Alfred W. (Alfred William) Pollard.

English miracle plays, moralities, and interludes : specimens of the pre-Elizabethan drama online

. (page 8 of 26)
Online LibraryAlfred W. (Alfred William) PollardEnglish miracle plays, moralities, and interludes : specimens of the pre-Elizabethan drama → online text (page 8 of 26)
Font size
QR-code for this ebook

MARY MAUDLEYN. Thatt God of pes and pryncypall
counsell, 93

More swetter is thi name than hony be kynd !
We thank yow, fathyr, for your gyftes ryall,
Owt of peynes of poverte us to on-bynd ; 96

Thys is a preservatyff from streytnes, we fynd,
From wordly labors to my coumfortyng ;
For thys lyfflod is abyll for the dowtter of a kyng, 99
Thys place of plesauns, the soth to seye. 100

MARTHA. O ye good fathyr of grete degre, ici

Thus to departe with your ryches,
Consederyng ower lowlynes and humylyte,
Us to save from worldly dessetres :

Ye shew us poyntes of grete jentylnes, 105

So mekly to meynteyn us to your grace.
Hey in heven a-wansyd mot yow be
In blysse, to se that lordes face,
Whan ye xal hens passe !


CYRUS. Now I rejoyse with all my mygthtes; no

To enhanse my chyldryn, it was my delyte :
Now wyn and spycys, ye. jentyll knyttes,
On-to thes ladys of jentylnes.

[11. 114-139. Tiberius Caesar sends orders to Herod to search out
rebels. 11.140-228. Herod hears from his 'philosophers' a prophecy
of Christ's Incarnation and ' rages.' He receives Tiberius' orders
and sends them on to Pilate. 11. 229-264. Pilate receives the
orders and declares he will execute them.]

Syrus takyt his deth.

SYRUS. A ! help ! help ! I stond in drede 265

Syknes is sett onder my syde !
A ! help ! deth wyll aquyte me my mede !
A ! gret Code ! thou be my gyde ; 268

How I am trobyllyd both bak and syde,
Now wythly help me to my bede.

A ! this rendyt my rybbys ! I xall never goo nor ryde !
The dent of deth is heviar than led. 272

A ! Lord, Lord ! what xall I doo this tyde ?
A ! gracyows God ! have ruth on me,
In thys word no lengar to abyde.
I blys yow, my chyldyrn, God mot with us be ! 276

Her avoydyt Syrus sodenly, and than [corny t\ sayyng, Lazarus.

LAZARUS. Alas, I am sett in grete hevynesse ! 277

Ther is no tong my sorow may tell,
So sore I am browth in dystresse;

In feyntnes I falter, for this fray fell ; 280

Thys dewresse wyl lett me no longar dwelle,
But, God of grace, sone me redresse.
A ! how my peynes don me repelle !
Lord, with-stond this duresse ! 284

E 2


MARY MAGLEYN. The in-wyttissymus God that ever
xal reyne, 285

Be his help, an sowlys sokor !
To whom it is most nedfull to cumplayn ;
He to bryng us owt of ower dolor 288

He is most mytyest governowr,
From soroyng us to restryne. 290

MARTHA. A ! how I am sett in sorowys sad,
That long my lyf y may not indeure !
Thes grawous peynes make me ner mad !
Under clower is now my fathyris cure, 294

That sumtyme was here ful mery and glad.
Ower lordes mercy be his mesure,
And defeynd hym from peynes sad ! 297

LAZARUS. Now, systyrs, ower fatherys wyll we woll
exprese : 298

Thys castell is owerys, with all the fee.

MARTHA. As hed and governower, as reson is
And on this wyse abydyn with yow, wyll wee; 301

AVe wyll natt desevyr, whatt so be-falle.

MARIA. Now, brothyr and systyrs, welcum ye be.
And ther-of specyally I pray jow all. 304

Her xal entyr the Kyng of the word, then the Kyng of the
flesch, and then the dylfe, with the seven dedly synnes. a
bad angyll an an good angy/, thus seyyng the word.

[THE KING OF THE WORLD.] I am the word, worthyest
that evyr god wrowth, 305

And also I am the prymatt portatur
Next heveyn, yf the trewth be sowth,
And that I jugge me to skryptur ; 308

And I am he that lengest xal induer,
And also most of domynacyon ;


Yf I be hys foo, woo is abyll to recure?

For the whele of fortune with me hath sett his sentur. 312

Her xal entyr the Kynge of flesch with slowth^ gloteny,


I, kyng of flesch, florychyd in my flowers, 334

Of deyntys delycows I have grett domynacyon,
So ryal a kyng was nevyr borne in bowrys,

Nor hath more delyth ne more delectacyon.


Here xal entyr the prynse of dylles in a stage, and Helle
ondyrneth thai stage, thus seyyng the dylfe.

SATAN. Now I, prynse, pyrked prykkyd in pryde, 358
Satan ower sovereyn, set with every cyrcumstanse,
For I am a-tyred in my tower to tempt yow this tyde ;
As a kyng ryall I sette at my plesauns, 361

With wroth [and] invy at my ryall retynawns ;
The boldest in bower I bryng to a-baye;
Mannis sowle to besegyn and bryng to obeysauns,
Ya. [with] tyde and tyme I do that I may 365

For at hem I have dysspyte that he wolde have the joye
That Lycyfer, with many a legyown, lost for ther pryde ;
The snares that I xal set, wher never set at Troye,
So I thynk to besegyn hem be every waye wyde; 369
I xal getyn hem from grace, wher-so-ever he abyde,
That body and sowle xal com to my hold.

Hym for to take,
Now my knythtes so stowth
With me ye xall ron in rowte,
My consell to take for a skowte,
Whytly that we wer went for my sake. 376

WRATH. With wrath or wyhylles we xal hyrre wynne.
ENVY. Or with sum sotyllte sett hur in synne. 378


UYLFE. Com of than, let us begynne
To werkyn hur sum wrake. 380

Her xal the deyivl go to the word with his compeny.

SATAN. Heyle word, worthyest of a-bowndans ! 381
In hast we must a conseyll take ;
Ye must aply yow with all your afyauns,
A woman of whorshep ower servant to make.

[11. 384-469. The World recommends recourse to the Flesh, who sends
his servant Luxuria (or Lechery) to Mary as she sits mourning her
father's death. Luxury persuades Mary to amuse herself at Jeru-

Here takyt Mary hur wey to Jerusalem with Luxsurya, and
they xal resort to a taverner, thus seyyng the taverner.

1 am a taverner wytty and wyse, 470

That wynys have to sell gret plente.

Of all the taverners I bere the pryse

That be dwellyng withinne the cete; 473

Of wynys I have grete plente,

Both whyte wynne and red that [ys] so cleyr : 475

Here ys wynne of mawt and Malmeseyn,

Clary wynne and claret, and other moo,

Wyn of Gyldyr and of Galles, that made at the grome [?],

Wyn of wyan and vernage, I seye also ;

Ther be no better, as ferre as y& can goo. 480

LUXSURYA. Lo, lady, the comfort and the sokower, 481
Go we ner and take a tast,
Thys xal bryng your sprytes to fawor.
Taverner, bryng us of the fynnest thou hast. 484

TAVERNER. Here, lady, is wyn, a repast 485

To man and woman, a good restoratyff;
Fe xall not thynk your mony spent in wast,
From stodyys and hevynes it woll yow relyff. 488


MARY. I-wys ye seye soth, ye grom of blysse ;
To me ye be courtes and kynde. 490

Her xal entyr a galaunt thus seyyng.


Hof, hof, hof, a frysch new galaunt, 491

Ware of thryst, ley that a-doune !
What ! wene ye, syrrys, that I were a marchant,
Because that I am new com to town ? 494

With sum praty tasppysster wold I fayn rown ;


LUXSUYRA. Lady, this man is for jyow, as I se can ; 507
To sett yow i sporttes and talkyng this tyde.

MARY. Cal hym in, taverner, as ye my love wyll han,
And we xall make ful mery, yf he wolle abyde. 510

[11. 511-587. Mary departs with the gallant and Satan rejoices over
her fall. We next see Mary sleeping in an arbour, and then Simon
the leper preparing for his feast. Then a good angel appears to
Mary and says :]

GOOD ANGYLL. Woman, woman, why art thou so on
stabyll ? 588

Ful bytterly thys blysse it wol be bowth ;
Why art thou ayens God so veryabyll ?
Wy thynkes thou nat God made the of nowth?
In syn and sorow thou art browth, 592

Fleschly lust is to ye full delectabyll ;
Salve for thi sowle must be sowth,

And leve thi werkes wayn and veryabyll. 595

Remembyr, woman, for thi pore pryde, 596

How thi sowle xal lyyn in helle fiyr !
A ! remembyr how sorowful itt is to abyde
Withowtyn eynd in angur and ire ! 599

Remember the on mercy, make thi sowle clyr !
I am the gost of goodnesse that so wold ye gydde.


MARY. A ! how the speryt of goodnesse hat promtyt

me this tyde,

And temtyd me with tytyll of trew perfythnesse.
Alas ! how betternesse in my hert doth abyde ! 604

I am wonddyd with werkes of gret dystresse, 605

A ! how pynsynesse potyt me to oppresse,
That I have synnyd on every side.

lord ! wo xall put me from this peynfulnesse ? 608
A ! woo xall to mercy be my gostly gyde ?

1 xal porsue the prophett, wherso he be,

For he is the welle of perfyth charyte; 611

Be the oyle of mercy he xal me relyff.

With swete bawmys I wyl seken hym this syth,

And sadly folow his lordshep in eche degre. 614

Here xal entyr the prophet with his desyplys, thus seyyng
Symont leprus.

Now ye be welcom, mastyr, most of magnyfycens, 615

I beseche yow benyngly jye wol be so gracyows

Yf that it be lekyng onto yower hye presens

Thys daye to com dyne at my hows. 618

IESUS. God a mercy, Symontt, that thou wylt me knowe !
I woll entyr thi hows with pes and unyte ; 620

I am glad for to rest, ther grace gynnyt grow ;
For withinne thi hows xal rest chary te, 622

And the bemys of grace xal byn illumynows. 623

But syth thou wytystsaff a dyner on me,
With pes and grace I entyr thi hows.

SYMOND. I thank yow, master, most benyng and gracyus,
That yow wol of your hye soverente ; 627

To me itt is a joye most speceows,
Withinne my hows that I may yow se !
Now syt to the bord, mastyrs alle. 630


Her xal Mary foloiv atonge, with this lamentacyon.

MARY. O I, cursyd caytyff, that myche wo hath wrowth
Ayens my makar, of mytes most ; 632

I have offendyd hym with dede and thowth,
But in his grace is all my trost, 634

Or elles I know well I am but lost,
Body and sowle damdpnyd perpetuall.
Fet, good lord of lorddes, my hope perhenuall, 637

With the to stond in grace and fawour to se,
Thow knowyst my hart and thowt in especyal;
Therfor, good lord, after my hart reward me. 640

Her xal Mary wasche the fett of the prophet with the terres of
hur yys, whypyng hem with hur herre, and than anoynt
hym with a precyus noyttment.

IESUS DIGIT. Symond, I thank ye speceally 641

For this grett repast that her hath be ;
But Symond, I telle the fectually
I have thynges to seyn to the. 644


Symont, behold, this woman in al wyse 665

How she with teres of hyr better wepyng
She wassheth my fete, and doth me servyse,
And anoyntyt him with onymentes, lowly knelyng, 668
And with her her, fayer and brygth shynnyng,
She wypyth hem agayn with good entent ;
But Symont, syth that I entred thi hows, 671

To wasshe my fete thou dedyst nat aplye,
Nor to wype my fete thou wer nat so faworus ;
Wherfor in thi conscyens thou owttyst nat to replye. 674
But, woman, I sey to the werely,
I forgeyffe the thi wrecchednesse,
And hoi in sowle be thou made therby.


[11. 678-1132. Mary gives thanks : seven devils are cast out of her, and
in the next scene we see Satan punishing his angels with blows for
their ill-success. The history of the sickness and raising of Lazarus
is then enacted, and at 1. 924 Part I of the play comes to an end.

Part II begins with a boasting speech of the King of Marcylle ; then
we hear the devils crying out because Hell has been harrowed,
upon which follows the scene in the garden of Joseph of Arimathea
on the morning of Christ's Resurrection.]

Here devoyd all the three Maryys ; and the kynge of Marcyll
xall begynne a sacryfyce.

REX MERCYLL. Now, lordes and ladyys of grett a-prise,
A mater to meve yow is in my memoryall, 1134

This day to do a sacryfyce

With multetude of myrth before ower goddes all, 1136
With preors in aspecyall before his presens,
Eche creature with hartt demure. 1138

REGINA. To that lord curteys and keynd, 1139

Mahond, that is so mykyll of myth,
With mynstrelly and myrth in mynd,
Lett us gon ofer in that hye kyngis syth. 1142

Here xal enter an hethen preste and his boye.

PRESBYTER. Now, my clerke, Hawkyn, for love of me

Loke fast myn awter wer arayd ; 1144
Goo, ryng a bell to or thre !

Lythly, chyld, it be natt delayd, 1146
For here xall be a grett solemnyte.

Loke, boy, thou do it with a brayd ! 1148

[The boy is impudent, and the priest obeys the stage direction 'bete
him.' Enter the King.]

REX DICITT. Now, prystes and clerkys, of this tempyll
cler i i 78

Yower servyse to sey, lett me se.


PRESBYTER. A, soveryn lord, we shall don ower devyr.
Boy, a boke a-non thou bryng me! 1181

Now. boy, to my awter I wyll me dresse ; 1182

On xall my westment and myn aray.

BOY. Now than the lesson I woll expresse,
Lyke as longytt for the servyse of this day: 1185

Leccyo mahowndys, viri fortissimi sarasenorum.
Glabriosum ad glumandum glumandinorum,
Gormondorum alocorum, stampatinantum cursorum,
Cownthtes fulcatum, congruryandum tersorum
Mursum malgorum, Mararagorum. 1190


Howndes and hogges, in hegges and helles, 1198

Snakes and toddes mott be yower belles ;
Ragnell and Roffyn, and other, in the wavys,
Grauntt yow grace to dye on the galows. 1201

PRESBYTER. Now, lordes and ladyys, lesse and more,
Knele all don with god devocyon ; 1203

Yonge and old, rych and pore,
Do yower oferyng to sentt Mahownde,
And ye xall have grett pardon, 1206

That longyth to this holy place;
And receyve je xall my benesown,
And stond in Mahowndes grace. 1209

REX DICITT. Mahownd, thou art of mytes most, 1210
In my syth a gloryus gost ;
Thou comfortyst me both in centre and cost
With thi wesdom and thi wytt ; 1213

For truly, lord, in the is my trost. 1214

Good lord, lett natt my sowle be lost!
All my cownsell well thou wotst.

Here in thi presens as I sett, 1217

Thys besawnt of gold, rych and rownd, 1218

I ofer ytt for my lady and me,


That thou mayst be ower counfortes in this stownd,
Sweth Mahound, remembyr me. 1221

[11. 1222-1375. After two scenes representing the receipt of the news
of Christ's Resurrection by Pilate and Tiberius Caesar, the angel
Raphael is sent from heaven to Mary Magdalen.]

ANGELUS. Abasse the noutt, Mary, in this place; 1376
Ower lordes preceptt thou must ful-fyll
To passe the see in shortt space

On-to the lond of Marcyll. 1379

Kyng and quene converte xall ye,
And byn amyttyd as an holy apostylesse ;
Alle the lond xall be techyd alonly be the;
Goddes lawys on-to hem ye xall expresse. 1383

Therfor hast yow forth with gladnesse,
Goddes commaundement for to fulfylle. 1385

MARI MAWDLEYN. He that from my person vij dewlles
mad to fle, 1386

Be vertu of hym alle thyng was wrowth;
To seke thoys pepyll I wol rydy be.
As thou hast commaunddytt, in vertu they xall be browth.
With thi grace, good lord, in deite, 1390

Now to the see I wyll me hy,
Sum sheppyng to asspy.
Now spede me, lord, in eternall glory !
Now be my spede, allmy ty trenite ! 1 394

Here xall entyre a shyp with a mery song.

SHEPMAN. Stryke ! skryke ! lett fall an ankyr to grownd !
Her is a fayer haven to se ! 1396

Connyngly in, loke that ye sownd ;

I hope good harbarow have xal wee ! 1398

Loke that we have drynke, boy, thou.


[The shipman's boy is as impudent as the priest's, with a like result.]

MAUDLEYN. Master of the shepe, a word with the. 1423

MASTER. All redy, fayer woman, whatt wol ye?

MARY. Of whense is thys shep ? tell ye me ;
And yf ye style with-in a whyle. 1426

MASTER. We wol seyle this same day, 1427

Yf the wynd be to ower pay.
This shep that I of sey
Is of the lond of Marcyll. 143

MARY. Syr, may I natt with yow sayle ? 1431

And ye xall have for yower awayle.

MASTER. Of sheppyng the xall natt faylle ;
For us the wynd is good and safife 1434

Yond ther is the lond of Torke,
I wher full loth for to lye.

Now xall the shep-men syng.

Of this cors we thar nat a-baffe, 1437

Yender is the lond of Satyllye. 1438

Stryk ! beware of sond !

Cast a led, and in us gyde !

Of Marcyll this is the kyngges lond. 1441

Go a lond, thow fayer woman, this tyde,

To the kyngges place ; yonder may ye see.

Sett of, sett of, from lond.

THE BOY. All redy, master, at thyn hand.

Her goth the shep owt of the place.
[Mary Magdalen goes to the King and preaches to him.)

REX. Herke, woman, thow hast many resonnes grett; 1527
I thyngk, on to my goddes aperteynyng they belli.
But thou make me answer son, I xall the frett,
And cut the tonge owt of thy hed. is 30


MARY. Syr, yf I seyd amys, I woll return agayn. 1531
Leve yower encomberowns of perturbacyon,
And lett me know what yower goddes byn,
And how they may save us from treubelacyon. 1534

REX. Hens to the tempyll that we war, 1535

And ther xall thow se a solom syth.
Com on all, both lesse and more,
Thys day to se my goddes myth. 1538

Here goth the Kynge with all his a-tendaunt to the tempyll.

Loke now, qwatt seyyst thow be this syth? 1539

How pleyeaunttly they stond, se thow how !

Lord, I besech thi grett myth,

Speke to this chrisetyn that here sestt thou. 1542

Speke, god lord, speke ! se how I do bow !

Herke, thou pryst ! qwat menytt all this ?

What ! speke, good lord ! speke ! what eylytt the now ?

Speke, as thow artt bote of all blysse ! 1 546

PRYSBYTER. Lord, he woll natt speke whyle chriseten
her is.

MARY. Syr kyng, and it pleze yower gentyllnesse, 1548
Gyff me lycens my prayers to make
On-to my God in heven blysch,
Sum merakyll to shewyn for yower sake.

REX. Pray thi fylle, tyll thi 1 knees ake. 1552

MARY. Dominus, illuminacio mea, quem timebo !
Dominus, protecctor vite mee, a quo trepedabo !

Here xal the mament tremyll and quake.
Now, lord of lordes, to thi blyssyd name sanctificatt,
Most mekely my feyth I recummend. 1556

Pott don the pryd of mamentes violatt !
Lord, to thi lover thi goodnesse descend ; 1558

1 then, MS.


Lett natt ther pryd to thi poste pretend,

Wher-as is rehersyd thi hye name Jhesus.

Good lord, my preor I feythfully send ;

Lord, thi rythwysnesse here dyscus ! 1562

Here xall comme a dowd from heven, and sett the tempyl one
a fyer, and the pryst and ike clerk xall synke.

[The remainder of the play shows the voyage of the King and Queen to
the Holy Land, the wonderful restoration to life of the Queen and
her baby by the aid of Mary Magdalen, the feeding of Mary in the
wilderness by angels, her death, and her ascension.]

C6e Castell of perseverance*


After oure forme faderes' kende
This nyth I waus of my moder born,

Fro my moder I walke, I wende,
Ful feynt and febyl I fare you beforn.

I am nakyd of lym and lende, (5)

As mankynde is schapyn and schorn,

I not wedyr to gon ne to lende,
To helpe my-self mydday ny morn,

For schame I stonde and schende.
I waus born this nyth in blody ble (10)

And nakyd I am as ye may se.
A ! Lord God in trinite,

Whow mankende is unchende !

Where to I waus to this werld browth
I ne wot but to woo and wepynge. (15)

I am born and have ryth nowth
To helpe my self in no doynge.

I s[t]onde l and stodye, al ful of thowth :
Bare and pore is my clothynge,

A sely crysme my hed hath cawth, (20)

That I tok at myn crystenynge ;

Certes I have no more.
Of erthe I cam, I wot ryth wele,
And as erthe I stande this sele ;

1 sonde, MS.


Of mankende it is gret dele, (25)

Lord God I cry thyne ore.

Ij aungels bene a-synyd to me :
The ton techyth me to goode,

On my ryth syde ye may hym se,
He cam fro Criste that deyed on rode : (30)

A-nother ordeynyd her to be,
That is my foo be fen and flode,

He is a-bout in every degre
To l drawe me to the dewylys wode

That in helle ben thycke. (35)

Swyche to hath every man on lyve,

To rewlyn hym and hys wyttes fyve,

Whanne man doth evyl the ton wolde shryve,
The tother drawyth to wycke.

But syn these aungelys be to me falle, (40)
Lord Jhu to 7011 I bydde a bone,

That I may folwe be strete and stalle
The aungyl that com fro hevene trone.

Now lord Jhu in hevene halle
Here whane I make my mone, (45)

Coryows Criste to you I calle.
As a grysly gost I grucche and grone,
I wene ryth ful of thowth.

A ! Lord Jhu, wedyr may I goo ?

A crysyme I have and no moo! (50)

Alasl men may be wondyr woo

Whanne thei be fyrst forth browth.

Pa forsothe and that is wel sene,
Of woful wo man may synge,

For iche creature helpeth hym self bedene, (55)
Save only man at hys comynge,

1 Do, MS.


Nevyr the lesse turne the fro tene
And serve Jhu, hevene kynge,

And thou shalt be grevys grene
Fare well in all thynge. (60)

That lord thi lyfe hath lante
Have hym alway in thi mynde
That deyed on rode for mankynde,
And serve hym to thi lyfes ende,

And series thou schalt not wante. (65)


Pes aungel, thi wordes are not wyse,
Thou counselyst hym not a-ryth.

He schal hym drawyn to the werdes servyse,
To dwelle with caysere, kynge and knyth.

That in londe be hym non lyche. (70)

Cum on with me stylle as ston :
Thou and I to the werd schul goon,
And thanne thon schalt sen a-non
Whow sone thou schalt be ryche.


A ! pes aungel, thou spekyst folye ! (7?)

Why schuld he coveyt werldes goode,

Syn Criste in erthe and hys meynye
All in povert here thei stode?

Werldes wele, be state and stye,
Faylyth and fadyth as fysch in flode, (80)

But hevene ryche is good and trye,
Ther Criste syttyth, bryth as blode,

Withoutyn any dystresse.
To the world wolde he not flyt,
But forsok it every whytt; (85)

Example I fynde in holy wryt,

He wyl bere me wytnesse.


Divicias et paupertates ne dederis in due,

MALUS ANGELUS. YSL, _ya, man leve hym nowth,
But cum with me be stye and strete.

Have thou a gobet of the werld cawth, (90)
Thou schalt fynde it good and swete.

A fayre lady the schal be tawth,
That in bowre thi bale schal bete.

With ryche rentes thou schalt be frawth,
With sylke sendel to syttyn in sete. (95)

I rede late bedys be
If thou wylt have wel thyn hele,
And faryn wel at mete and mele,
With goddes servyse may thou not dele

But cum and folwe me. (100)

HUMANUM GENUS. Whom to folwe wetyn I ne may :
I stonde in stodye and gynne to rave,

I wolde be ryche in gret aray,
And fayn I wolde my sowle save.

I wave as wynde in watyr : ( I0 5)

Thou woldyst to the werld I me toke,
And he wolde that I it forsoke,
Now so God me helpe, and the holy boke,

I not wyche I may have.

MALUS ANGELUS. Cum on, man ! where of hast thou care ?
Go we to the werld, I rede the, blyve; (m)

For ther thou schalt now 1 ryth wel fare,
In case if thou thynke for to thryve,

No lord schal be the lyche.

Take the werld to thine entent, (115)

And late thi love be ther on lent,
With gold and sylvyr and ryche rent

A-none thou schalt be ryche.

1 mow, MS.

F 2


HUMANUM GENUS. Now syn thou hast be-hetyn me so
I wyl go with the and a-say; (120)

I ne lette for frende ner fo,
But with the world I wyl go play,

Certes a lytyl throwe.
In this world is al my trust

To lyv[y]ng in lykyng and in lust: (125)

Have he and I onys cust,

We schal not part I trowe.

BONUS ANGELUS. A ! nay, man ! for Cristes blod !
Cum agayn be strete and style !

The werld is wyckyd and ful wod, (130)

And thou schalt levyn but a whyle,

What coveytyst thou to wynne?
Man, thynke on thyn endynge day,
Whanne thou schalt be closyd under clay,
And if thou thenke of that a-ray, (135)

Certes thou schalt not synne.

Homo memento finis et in eternu non peccabis.

MALUS ANGELUS. Fa on thi sowle thou schalt thynke al be

Cum forth man and take non hede,

Cum on and thou schalt holdyn hym inne.
Thi flesch thou schalt foster and fede (140)

With lofly lyvys fode.
With the werld thou mayst be bold,
Tyl thou be sexty wynter hold;
Wanne thi nose waxit cold

Thanne mayst thou drawe to goode. (145)

HUMANUM GENUS. I vow to God, and so I may
Make mery a ful gret throwe

I may levyn many a day,
I am but yonge, as I trowe,


For to do that I schulde. (150)

Myth I ryde be sompe and syke,
And be ryche and lord lyke,
Certes thanne schulde I be fryke

And a mery man on molde.

MALUS ANGELUS. Fys be my feyth thou schalt be a lord,
And ellys hange me be the hals. (156)

But thou muste be at myn a-cord,
Other whyle thou muste be fals

A-monge kythe and kynne.

Now go we forth swythe a-non, (160)

To the werld us must gon,
And bere the manly evere a-mong,

Whanne thou comyst out or inne.
HUMANUM GENUS. Fys, and ellys have thou my necke
But I be manly be downe and dyche, (165)

And thou I be fals I ne recke,
With so that I be lord lyche

I folowe the as I can.
Thou schalt be my bote of bale,
For were I ryche of holt and hale ('7)

Thanne wolde I geve nevere tale

Of God ne of good man.

BONUS ANGELUS. I weyle and I wrynge and make mone ;
This man with woo schal be pylt.

Online LibraryAlfred W. (Alfred William) PollardEnglish miracle plays, moralities, and interludes : specimens of the pre-Elizabethan drama → online text (page 8 of 26)