Alfred W. (Alfred William) Pollard.

English miracle plays, moralities, and interludes : specimens of the pre-Elizabethan drama online

. (page 9 of 26)
Font size
QR-code for this ebook

I sye sore and grysly grone, (175)

For hys folye schal make hym spylt.

I not weder to gone,

Pipe up \mit\sic.
Mankynde hath forsakyn me,
Alas, man, for love of the !

Ya, for this gamyn and this gle (180)

Thou schalt grocchyn and grone.



70 THE CAST ELL OF PERSEVERANCE.

MUNDUS. Welcum, syr, semly in syth !

Thou art welcum to worthy wede, (185)

For thou wylt be my servaunt day and nyth,
With my servyse I schal the foster and fede;

Thi bak schal be betyn with besawntes bryth ;
Thou schalt have byggynges be bankes brede;

To thi cors schal knele kayser and knyth,
Where that thou walke be sty or be strete,

And ladys lovely on lere. (190)

But goddys servyse thou must forsake
And holy to the werld the take
And thanne a man I schal the make

That non schal be thi pere.

HUMANUM GENUS. Fys werld, and ther to here myn honde
To forsake God and hys servyse, (196)

To medys thou ^eve me howse and londe,
That I regne rychely at myn emprise.

So that I fare wel be strete and stronde,
Whil I dwelle here in werldly wyse, (200)

I recke nevere of hevene wonde
Nor of Jhu that jentyl justyse !

Of my sowle I have no rewthe,
What schulde I recknen of domysday
So that I be ryche and of gret a-ray? (205)

I schal make mery whyl I may,

And ther to here my trewthe.

MUNDUS. Now series, syr, thou seyst wel !

I holde the trewe ffro top to the too !

But thou were ryche it were gret dele, (210)
And all men that wyl fare soo.

Tune ascendat Humanum Genus ad Mundum.

Cum up my serwaunt trow as stele,
Thou schalt be ryche whereso thou goo,



THE CASTELL OF PERSEVERANCE. 71

Men schul servyn the at mele
With mynstralsye and bemys bio, (215)

With metes and drynkes trye
Lust and lykynge schal be thin ese,
Lovely ladys the schal plese,
Who so do the any disese,

He schal ben hangyn hye. (220)

Lykynge, be lyve !

Late slothe hym swythe

In robys ryve

With ryche aray.

Folye, thou fonde, (225)

Be strete and stronde

Serve hym at honde

Bothe nyth and day.

VOLUPTAS. Trostyly,

Lord, redy! (230)

Je vous pry,
Syr, I say.
In lyckynge and lust
He schal rust,

Tyl dethys dust (235)

Do hym to clay.

STULTICIA. And I folye

Schal hyen hym hye,
Tyl sum enmye

Hym over goo. (240)

In worldes wyt
That in folye syt
I thynke yyt

Hes sowle to sloo.
******

HUMANUM GENUS. Mankynde I am callyd be kynde,

With cursydnesse in costes knet, (246)



72 THE CAST ELL OF PERSEVERANCE.

In sowre swettenesse my syth I sende,
With sevene synnys sadde be-set.

Mekyl myrthe, I move in mynde,
With melody [al] 1 my mowth is met, (250)

My prowd power schal I not pende
Tyl I be putte in peynys pyt,
To helle hent fro hens.

In dale of dole tyl we are downe

We schul be clad in a gay gowne. ( 2 5s)

I see no man but the use somme
Of these vij dedly synnys,

For comonly it is seldom seyne.
Who so no[l] 2 be lecherous

Of other man he schal have disdeyne, (260)
And ben prowde or covetous,

In synne iche man is founde.

Ther is pore nor ryche, be londe ne lake,

That alle vij wyl forsake,

But with on or other he schal be take (265)
And in here bytter bondes bownde.

BONUS ANGELUS. Somekyl the werse, wele a woo,
That evere good aungyl waus ordeynyd the,

Thou art rewlyd after the fende, that is thi foo,
And no thynge, certes, aftyr me! (270)

Wele away, weder may I goo?
Man doth me bleykyn blody ble,

Hes swete sowle he wyl now slo,
He schal wepe al hes game and gle

At on dayes tyme, (275)

Ke se wel all, sothly in syth,
I am a bowte, both day and nyth,
To brynge hys sowle into blis bryth,
And hym self wyl it brynge to pyne.

1 at, MS. 2 now, MS.



THE CASTELL OF PERSEVERANCE. 73

MALUS ANGELUS. No, good aungyl, thou art not in sesun,
Ffewe men in the ffeyth they fynde, (281)

For thou hast schewyd a ballyd resun,
Goode syre, cum [get thee me] behynde,

Trewly man hathe non chesun
On thi god to grede and grynde, (285)

Ffor that schuld cunne Cristis lessoun
In penaunce hes body he muste bynde,
And forsake the worldes [mynde] 1 .
Men arr loth on the to crye,
Or don penaunce for here folye; (290)

Therfore have I now maystrye
Wei ny over al mankynde.

BONUS ANGELUS. Alas, mankynde

Is bobbyt and blent as the blynde,

In feyth I fynde ( 2 95)

To Crist he can nowt be kynde.

Alas, mankynne

Is soylyd and saggyd in synne,

He wyl not blynne

Tyl body and sowle parte a-twynne. (300)

Alas, he is blendyd ;

A-mys man's lyf is i-spendyd,

With fendes fendyd ;

Mercy, God, that man were a-mendyd!

CONFESSIO. What! man's aungel goode and trewe, (305)
Why syest thou and sobbyst sore?

Sertes sore it schal me rewe,
If I se the make mornynge more.

May any bote thi bale brewe,
Or any thynge thi stat astore? (3 10 )

For all felyschepys, olde and newe,
Why makyst thou grochynge under gore,

1 MS. mende.



74 THE CAST ELL OF PERSEVERANCE.

With pynynge poyntes pale ?
Why waus al this gretynge gunne,
With sore syinge undyr sunne? (315)

Tell me, and I schal, if I cunne,

Brewe the bote of bale.

BONUS ANGELUS. Of byttyr balys thou mayste me lete,
Swete Schryfte, if that thou wylt.

For mankynde it is that I grete : (320)

He is iii poynt to be spylt.

He is set in sevene synnys sete,
And wyl certes tyl he be kylt.

With me he thynkyth nevere more to mete,
He hath me forsake and I have no gylt ! (325)

No man wyl hym amende !
Therfore, Schryfte, so God me spede,
But if thou helpe at this nede,
Mankynde getyth nevere other mede

But peyne withowtyn ende. (330)

******

HUMANUM GENUS. A sete of sorwe in me is set,
Sertys for synne I sye sore,

Mone of mercy in me is met,
Ffor werldys myrthe I morne more.

In wepynge wo my wele is wet, (335)

Mercy, thou muste myn fatt a-store.

Ffro oure lordys lyth thou hast me let,
Sory synne, thou grysly gore.

Owte on the, dedly synne !
Synne, thou haste mankynde schent, (340)

In dedly synne my lyfe is spent ;
Mercy, God omnipotent,
In youre grace I be-gynne.

Ffor, thou mankynde have don a-mys,
And he wyl falle in repentaunce, (345)



THE CAST ELL OF PERSEVERANCE. 75

Crist schal hym bryngyn to bowre of blys,
If sorwe of hert lache hym with launce.

Lordyngys, ye se wel alle thys
Mankynde hathe ben in gret bobaunce,

I now for-sake the, synne, i-wys, (350)

And take me holy to penaunce :
On Crist I crye and calle

A mercy ! schryfte ! I wyl no more !

Ffor dedly synne myn herte is sore :

Stufie mankynde with thyne store, (355)

And have hym to thyne halle.

CONFESSIO. Schryffte may no man for-sake :
Whanne mankynde cryeth I am redy,

Whanne sorwe of hert the hathe take
Schryfte prefytyth veryly. (360)

Who-so for synne wyl sorwe make
Crist hym heryth, whanne he wyl crye.

Now, man, lete sorwe thyn synne slake 1 ,
And torne not a-geyn to thi ffolye;

Ffor that makyth dystaunce, (365)

And, if it happe the turne a-geyn to synne,
Ffor Goddes love, lye not longe therinne :
He that dothe alway evyl, and wyl not blynne,
That askyth gret venjeaunce.
******

HUMANUM GENUS. Now, syr Schryfte, where may I dwelle
To kepe me fro synne and woo? (37 1 )

A comly counseyll ye me spelle,
To fende me now fro my foo.

If these vij synnys here telle
That I am thus fro hem goo, (375)

The werld, the flesche and the devyl of hell
Schul sekyn my soule for to sloo

1 MS. slawe.



76 THE CAST ELL OF PERSEVERANCE.

Into balys bowre.
Therfore, I prey you, putte me
Into sum place of surete, (380)

That thei may not harmyn me

With no synnys sowre.

CONFESSIO. To swyche a place I schal the kenne,
Ther thou mayst dwelle withowtyn dystaunse

And al wey kepe the fro synne, (385)

In to the Castell of Perseveraunce.

If thou wylt to hevene wynne
And kepe the fro werldyly dystaunce,

Goo j>one castell and kepe the therinne
Ffor [it] is strenger thanne any in Fraunce; (390)

To yone castel I the sende.
That castel is a precyous place,
Fful of vertu and of grace,
Who so levyth there hes lyvys space

No synne schal hym schende. (395)

HUMANUM GENUS. A, Schryfte, blessyd mote thou be !
This caste! is here but at honde;

Thedyr rathely wyll I tee,
Sekyr over this sad sonde.

Good perseveraunce God sende me, (400)

Whyle I leve here in this londe !

Ffro fowle fylthe now I fle,
Fforthe to faryn now I fonde

To .yone precyous port,

Lord, what man is in mery lyve (405)

Whanne he is of hes synnys schreve !
Al my doled doun is dreve,
Christe is my counfort.



L Here begynneth a. treatyse how ye hye | fader of heven sendeth dethe
to so|mon every creature to come and | gyve a counte of theyr
lyves in | this worlde, and is in in manor | of a morall playe .*{.
[Woodcut of ' Everyman ' and of Death carrying a coffin ; between
them at the back stands a cross.]

MESSENGER. I pray you all gyve your audyence
And here this mater with reverence,

By fygure a morall playe.
The somonynge of Everyman called it is,
That of our lyves and endynge shewes 5

How transytory we be all daye.
This matter is wonders precyous,
But the entent of it is more gracyous

And swete to here awaye.

The story sayth : man, in the begynnynge 10

Loke well and take good heed to the endynge,

Be you never so gay,

Ye thynke synne in the begynnynge full swete,
Whiche in the ende causeth the soule to wepe,

Whan the body lyeth in claye. 15

Here shall you se how Felawshyp, and lolyte
Bothe, Strengthe, Pleasure and Beaute,

Wyll fade from the as floure in maye.
For ye shall here how our heven kynge
Calleth Everyman to a general rekenynge. 20

Gyve audyence and here what he doth saye.



78 EVERYMAN.

GOD spekyth:

GOD. C. I perceyve here in my maieste
How that all creatures be to me unkynde,
Lyvynge without drede in worldly prosperyte
Of ghostly syght the people be so blynde, 25

Drowned in synne they know me not for theyr god,
In worldlye ryches is all theyr mynde.
* * * * * * *

I se, the more that I them forbere, 42

The worse they be fro yere to yere,
All that lyveth appayreth faste,

Therfore I wyll in all the haste 45

Have a rekenynge of every mannes persone.
*******

They be so combred with worldly ryches 60

That nedes on them I must do justyce,

On every man lyvynge without fere.

Where arte thou Deth, thou mighty messengere?

DETHE.

DETHE. Almighty God I am here at your wyll,

Your commaundement to fulfylle. 65

GOD. Go thou to Every man,
And shewe hym in My name
A pylgrymage he must on hym take,
Whiche he in no wyse may escape,
And that he brynge with him a sure rekenynge 70
Without delay or ony taryenge.

DETHE. Lorde I wyll in the worlde go renne over all
And cruelly out serche bothe grete and small.
Every man wyll I beset that lyveth beestly
Out of Goddes lawes and dredeth not foly. 75

He that loveth rychesse I wylle stryke with my darte,
His syght to blynde and fro heven to departe,



EVERYMAN. 79

Except that almes be his good frende,

In hell for to dwell, worlde without ende.

Loo yonder I se Every man walkynge, 80

Full lytell he thynketh on my comynge !

His mynde is on flesshely lustes and his treasure,

And grete payne it shall cause hym to endure

Before the lorde, heven kynge.

Every man, stande styll. Whyder arte thou goynge, 85

Thus gayly? hast thou thy Maker forgete?

EVERYMAN.

EVERYMAN. Why asketh thou?
Woldest thou wete?

DETHE. Ye, syr, I wyll shewe you :

In grete hast I am sende to the 90

Fro God, out of his mageste.

EVERYMAN. What, sente to me?

DETHE. Ye, certaynly.

Though thou have forgete hym here,

He thynketh on the in the hevenly spere, 95

As, or we departe, thou shalte knowe.

EVERYMAN. What desyreth God of me?

DETHE. That shall I shewe the:
A rekenynge he wyll nedes have,
Without ony lenger respyte, 100

EVERYMAN. To gyve a rekenynge longer layser I crave,
This blinde mater troubleth my wytte.

DETHE. On the thou must take a longe journey,
Therfore thy boke of counte with the thou bryng,
For tourne agayne thou can not by no waye ; 105

And loke thou be sure of thy rekenynge,
For before God thou shalte answere and shewe
Thy many badde dedes and good but a fewe,



80 EVERYMAN.

How thou hast spente thy lyfe, and in what wyse,

Before the chefe lorde of paradyse. no

Have ado we were in that waye,

For, wete thou well, thou shake make none attournay.
EVERYMAN. Full unredy I am suche rekenynge to gyve.

I knowe the not. What messenger arte thou?
DETHE. I am dethe, that no man dredeth. 115

For every man I rest and no man spareth,

For it is Goddes commandement

That all to me sholde be obedyent.
EVERYMAN.

deth, thou comest whan I had thee leest in mynde !
In thy power it lyeth me to save, 120
Yet of my good wyl I gyve thee, yf thou wyl be kynde.
Ye, a thousande pounde shake thou have,

And dyfferre this mater tyll another daye.
DETHE. Everyman it may not be by no waye.

1 set not by golde, sylver, nor rychesse, 125
Ne by pope, emperour, kynge, duke ne prynces,

For, and I wolde receyve gyftes grete,

All the worlde I myght gete;

But my custom is clene contrary.

I gyve the no respyte, come hens and not tary. 130
EVERYMAN. Alas ! shall I have no lenger respyte ?

I may saye deth gyveth no warnynge !

To thynke on the it maketh my herte seke,

For all unredy is my boke of rekenynge.

But, xii yere and I myght have abydynge, 135

My countynge boke I wolde make so clere,

That my rekenynge I sholde not nede to fere.

Wherfore, deth, I praye the, for Goddes mercy,

Spare me tyll I be provyded of remedy.
DETHE. The avayleth not to crye, wepe and praye. 140

But hast the lyghtly that thou were gone the journaye,



EVERYMAN. 8 1

And preve thy frendes, yf thou can.

For, wete thou well, the tyde abydeth no man,

And in the worlde eche lyvynge creature

For Adams synne must dye of nature. 145

EVERYMAN. Dethe, yf I sholde this pylgrymage take,
And my rekenynge suerly make,
Shewe me, for saynt charyte,
Sholde I not come agayne shortly?

DETHE. No, Everyman, and thou be ones there, 150
Thou mayst never more come here,
Trust me veryly.

EVERYMAN. O gracyous God, in the hye sete celestyall,

Have mercy on me in this moost nede,
Shall I have no company fro this vale terestryall 155
Of myne acqueynte, that way me to lede ?

DETHE. Ye, yf ony be so hardy

That wolde go with the and bere the company.
Hye the, that thou were gone to Goddes magnyfycence,
Thy rekenynge to gyve before His presence. 160

What, wenest thou thy lyve is gyven the
And thy worldely goodes also?

EVERYMAN. I had wende so veryle.

DETHE. Nay, nay, it was but lende the,

For as sone as thou arte go 165

Another a whyle shall have it and than go 1 ther fro,

Even as thou hast done.

Everyman, thou art made ! Thou hast thy wyttes fyve,

And here on erthe wyll not amende thy lyve !

For sodeynly I do come j 70

EVERYMAN. O wretched caytyfe, wheder shall I flee,
That I myght scape this endless sorowe?

1 than thou go, Ed. against the sense.
G



82 EVERYMAN.

Now, gentyll deth, spare me tyll to morowe,

That I may amende me

With good advysement. 175

DETHE. Naye, therto I wyll not consent,
Nor no man wyll I respyte,
But to the herte sodeynly I shall smyte
Without ony advysement.

And now out of thy syght I wyll me hy. 180

Se thou make the redy shortely,
For thou mayst saye this is the daye
That no man lyvynge may scape awaye.

EVERYMAN. Alas I may well wepe with syghes depe,

Now have I no maner of company, 185

To helpe me in my journey and me to kepe,

And also my wrytynge is butt unredy.
How shall I do now for to excuse me?

I wolde to God I had never be gete !
To my soule a full grete profyte it had be, 190

For now I fere paynes huge and grete !
The tyme passeth, Lorde helpe that all wrought !
.For though I mourne it avayleth nought.
The day passeth and is almoost ago,
I wote not well what for to do. 195

To whome were I best my complaynt to make ?
What and I to felawshyp therof spake,
And shewed hym of this sodeyne chaunce?
For in hym is all myne affyaunce,
We have in the worlde so many a daye 200

Be good frendes in sporte and playe.
I se hym yonder certaynely,
I trust that he wyll bere me company,
Therfore to hym wyll I speke to ese my sorowe.
Well mette, good felawshyp, and good morowe. 205



EVERYMAN. 83

FELAWSHYP speketh.
FELAWSHYP. Everyman, good morowe by this daye.

Syr, why lokest thou so pyteously?
If ony thynge be amysse I praye the me saye,
That I may helpe to remedy.

EVERYMAN. Ye, good felawshyp, ye, 210

I am in greate jeoparde.

FELAWSHYP. My true frende, shewe to me your mynde,
I wyll not forsake the to thy lyves ende,
In the way of good company.

EVERYMAN. That was well spoken and lovyngly.

FELAWSHYP. Syr, I must nedes knowe your hevynesse.
I have pyte to se you in ony dystresse. 217

If ony have you wronged ye shall revenged be,
Though I on the grounde be slayne for the,
Though that I knowe before that I sholde dye. 220

EVERYMAN. Veryly, felawshyp, gramercy.

FELAWSHYP. Tusshe, by thy thankes I set not a strawe,
Shewe me your grefe and saye no more.

EVERYMAN. If I my herte sholde to you breke,

And than you to tourne your mynde fro me, 225
And wolde not me comforte whan ye here me speke,
Then sholde I ten tymes soryer be.

FELAWSHYP. Syr, I saye as I wyll do in dede.

EVERYMAN. Than be you a good frende at nede,

I have founde you true herebefore 230

FELAWSHYP. And so ye shall evermore,
For in fayth and thou go to hell
I wyll not forsake the by the waye.

EVERYMAN.

Ye speke lyke a good frende, I byleve you well,
I shall deserve it, and I maye. 235

G 2



84 EVERYMAN.

FELAWSHYP. I speke of no deservynge by this daye,

For he that wyll saye and nothynge do

Is not worthy with good company to go.

Therfore shewe me the grefe of your mynde

As to your frende moost lovynge and kynde. 240

EVERYMAN. I shall shewe you how it is :
Commannded I am to go a journaye,

A longe waye, harde and daungerous,

And gyve a strayte counte, without delaye,

Before the hye Juge Adonay. 245

Wherfore, I pray you, here me company,
As ye have promysed, in this journaye.
FELAWSHYP. That is mater in dede ! Promyse is duty,

But and I sholde take suche vyage on me,

I knowe it well, it sholde be to my payne; 250

Also it make[s] me aferde, certayne.

But let us take counsell here as well as we can,

For your wordes wolde fere a stronge man.
EVERYMAN. Why ye sayd, yf I had nede,

Ye wolde me never forsake, quycke ne deed, 255

Though it were to hell truely.
FELAWSHYP. So I sayd certaynely,

But suche pleasures be set a syde, the sothe to saye,

And also, yf we toke suche a journaye,

Whan sholde we come agayne? 260

EVERYMAN. Naye, never agayne, tyll the daye of dome.
FELAWSHYP. In fayth than wyll not I come there,

Who hath you these tydynges brought?
EVERYMAN. In dede deth was with me here.
FELAWSHYP. Now, by God that all hathe bought, 265

If deth were the messenger,

For no man that is lyvynge to daye

I wyli not go that lothe journaye,

Not for the fader that bygate me.



EVERYMAN. 85

EVERYMAN. Ye promysed other wyse, parde. 270

FELAWSHYP. I wote well I say so, truely,

And yet yf thou wylte etc and drinke and make good

chere
Or haunt to women the lusty company,

I wolde not forsake you, whyle the day is clere.
Trust me veryly. 275

EVERYMAN. Ye, therto ye wolde by redy :

To go to myrthe solas and playe
Your mynde wyll soner apply,

Than to here me company in my longe journaye.

FELAWSHIP. Now in good fayth I wyll not that waye,
But and thou wylt murder, or ony man kyll, 281

In that I wyll helpe the with a good wyll.

EVERYMAN. O that is a symple advyse in dede !

Gentyll felawe, helpe me in my necessyte ;
We have loved longe, and now I nede ! 285

And now, gentyll Felawshyp, remember me.

FELAWSHYP. Wheder ye have loved me or no,
By saynt John I wyll not with the go.

EVERYMAN.

Yet I pray the, take the labour and do so moche for me,
To brynge me forwarde, for saynt charyte, 290

And comforte me tyll I come without the towne.

FELAWSHYP. Nay, and thou wolde gyve me a newe gowne,
I wyll not a fote with the go ;

But and thou had taryed I wolde not have lefte the so,
And, as now, God spede the in thy journaye, 295

For from the I wyll departe as fast as I maye.

EVERYMAN.

Wheder a waye, felawshyp? wyll thou forsake me?

FELAWSHYP. Ye, by my faye ! To God I betake the.



86 EVERYMAN.

EVERYMAN.

Farewell, good Fellawshyp ! For the my herte is sore !
Adewe forever, I shall see the no more. 300

FELAWSHYP.

In fayth, Everyman, fare well now at the ende,

For you I wyll remembre that partynge is mournynge.

EVERYMAN. Alacke shall we thus 1 departe in dede?
A lady ! helpe, without ony more, comforte !
Lo Felawshyp forsaketh me in my moost nede 2 305
For helpe in this worlde wheder shall I resorte?
Felawshyp here before with me wolde mery make,
And nowe lytell sorowe for me dooth he take.
It is sayd in prosperyte men frendes may fynde
Whiche in adversyte be full unkynde. 310

Nowe whither for socoure shall I flee
Syth that felawshyp hath forsaken me ?
To my kynnes men I wyll truely,
Prayenge them to helpe in my necessyte.
I beleve that they wyll do so, 315

For kynde wyll crepe where it may not go.
*#*###

[The 147 lines here omitted are summed up in the following speech.]

EVERYMAN. O to whome shall I make my mone
For to go with me in that hevy journaye?

Fyrst Felawshyp sayd he wolde with me gone; 465
His wordes were very plesaunt and gaye,
But afterwarde he lefte me alone.

Than spake I to my kynnesmen all in dyspayre.

An[d] also they gave me wordes fayre.

They lacked no fayre spekynge, 470

But all forsake me in the endynge.

1 For thus, the Ed. reads this.
2 From 1. 305 we have the help of Pynson's text.



EVERYMAN. 87

Than wente I to my Goodes, that I loved best,

In hope to have comforte, but there had I leest;

For my Goodes sharpely dyd me tell

That he bryngeth many into hell. 475

Than of my selfe I was ashamed,

And so I am worthy to be blamed.

Thus may I well my selfe hate.

Of whome shall I now conseyll take?

I thinke that I shall never spede 480

Tyll that I go to my Good Dede.

But, alas, she is so weke

That she can nother go nor speke.

Yet will I venter on her now.

My Good Dedes, where be you? 485

GOOD DEDES. Here I lye, colde in the grounde,

Thy synnes hath me sore bounde

That I can nat stere.
EVERYMAN. O Good Dedes, I stande in great 1 fere,

I must you pray of counseyll, 490

For helpe now sholde come ryght well.
GOOD DEDES. Everyman, I have understandynge
That ye be somoned a counte to make

Before Myssyas, of Jherusalem kynge, 494

And you do by me the journay with you wyll I take.

EVERYMAN. Therfore I come to you my moone to make.

I praye you that ye wyll go with me.
GOOD DEDES.

I wolde full fayne, but I can nat stand veryly.
EVERYMAN. Why is there onythynge on you fall?
GOOD DEDES. Ye, syr, I may thanke you of all. 500

If ye had parfytely chered me,

Your boke of counte nowe full redy had be.

l.oke, the bokes of your workes and dedes eke

1 om. Skot.



88 EVERYMAN.

Ase howe they lye here under the fete

To your soules hevynes. 505

EVERYMAN. Our Lorde Jesus helpe me,

For one letter here I can nat se.
GOOD DEDES.

There is a blynde reckenynge in tyme of dystres.
EVERYMAN. Good dedes, I praye you helpe me in this nede,

Or elles I am for ever dampned in dede, 510

Therfore helpe me to make my rekenynge

Before the Redemer of all thynge,

That kynge is and was and ever shall.
GOOD DEDES. Everyman, I am sory of your fall,

And fayne wolde I helpe you, and I were able. 515
EVERYMAN.

Good Dedes, your counseyll I pray you gyve me.
GOOD DEDES. That shall I do veryly,

Thoughe that on my fete I may nat go.

I have a syster that shall with you also,

Called Knowlege, whiche shall with you abyde, 520

To helpe you to make that dredefull rekenynge.
KNOWLEGE.

Everyman, I wyll go with the and be thy gyde,

In thy moost nede to go by thy syde.
EVERYMAN.

In good condycyon I am now in every thynge,

And am holy 1 content with this good thynge 525

Thanked be 2 God my creatoure.

* *****

[EVERYMAN is taken to CONFESSION and does penance for his sins.]

GOOD DEDES. Every man, pylgryme, my specyall frende,
Blessyd be thou without ende, 630

For the is preparate the eternall glorye.

1 hole, Skot. 2 by, Skot.



EVERYMAN. 89

Ye have me made hole and sounde,
Therfor I wyll byde by the in every stounde.

EVERYMAN.

Welcome, my Good Dedes ! Now I here thy voyce
I wepe for very swetenes of love. 635

KNOWLEGE. Be no more sad but ever rejoyce.
God seeth thy lyvynge in his trone above,
Put on thy garment, to thy behove,
Which is wette with your teres,

Or elles before God you may it mysse, 640

Whan ye to your journeys ende come shall.